வணக்கம்

எனது நண்பர் இரவிச்சந்திரன் தனது மகளுக்கு பாவேந்தரின் இந்த பாடல் தேவைப்படுகிறது எனவே இப்பாடலை எனக்கு தேடித்தரும்படி கேட்டார். நானும் இப்பாடலை சிறிது சிரமப்பட்டு தேடினேன் அதனால் தான் இதனை பதிவு செய்கிறேன்.

 

 

படி

 

எடுப்பு

 

நூலைப்படி — சங்கத்தமிழ்

நூலைப்படி — முறைப்படி

நூலைப்படி

 

உடனெடுப்பு

 

காலையிற்படி கடும்பகல் படி

மாலை, இரவு பொருள்படும்படி               — நுலைப்படி

 

அடிகள்

 

கற்பவை கற்கும்படி

வள்ளுவர் சொன்னபடி

கற்கத்தான் வேண்டும் அப்படிக்

கல்லாதவர் வாழ்வ தெப்படி?                     — நூலைப்படி

 

அறம்படி பொருளைப் படி

அப்படியே இன்பம் படி

இறந்த தமிழ் நான்மறை

பிறந்த தென்று சொல்லும்படி                    — நூலைப்படி

 

அகப்பொருள் படி அதன்படி

புறப்பொருள் படி நல்லபடி

புகப்புகப் படிப்படியாய்ப்

புலமைவரும் என்சொற்படி                         — நூலைப்படி

 

சாதி என்றும் தாழ்ந்தபடி

நமக்கொல்லாம் தள்ளுபடி

சேதி அப்படி தெரிந்துபடி

தீமை வந்திடுமே மறுபடி                              — நூலைப்படி

 

பொய்யிலே முக்காற்படி

புரட்டிலே காற்படி

வையகம் ஏமாறும்படி

வைத்துள்ள நூற்களை ஒப்புவ தெப்படி? — நூலைப்படி

 

தொடாங்கையிலே வருந்தும்படி

இருப்பினும் ஊன்றிப்படி

அடங்கா இன்பம் மறுபடி

ஆகும் என்ற ஆன்றோர் சொற்படி — நூலைப்படி

 

பாவேந்தர் பாரதிதாசன்

குயில் 01.01.1948